මේ උපන්දින සුබපැතුම ඔයාට...

සුබ උපන්දිනයක්....ඔයාට...

මේ උපන්දින සුබ පැතුම ඔයාට...
මම කියන්නෑ කාටද කියලා...
ඒත් මම සුබ පතන්නෙ ම ඔයාට...
ඔයාට විතරමයි...

ඒත් මං දන්නවා ඔයා
දකින්නෙ නැති බව මේක
දැක්කත් තේරුං ගන්නෙ නැති බව

ඒත් සුබ පතනවා මම
සුබ නොපතා ඉන්නෙ කොහොමද

ඔයා අදුරන්නෙ නැති උනත් මාව
මම ඔයා අදුරගෙන අවුරුදුම 4ක් මේ මැයි 15ට

කවදාවත් නැතුව උපන්දිනේ
අමතක වුණා මට මේ පාර...
ඒ වෙන එකක් නිසා නෙමෙයි..
මට දිනේ අමතක වුණ නිසා...

තාමත් කැලැන්ඩර පිටුවෙ හොද ලොකුවට
ලියලා තියනවා ඔයාගෙ නම ඒ දවස උඩ...

මම අතරමං වුණ තැන මතක් වෙන්න..

ඒත් ඒක අතරමං වීමක් නෙමෙයි
මම මාවම සොයා ගැනීමක්...
අලුත් ලෝකයක් හොයා ගැනීමක්...

මං දන්නවා කියවන්නැති බව ඔයා මේක
කොහොම කියවන්නද සිංහලත් බැරුව

ඒත් මගේ බස සිංහල
මොනවා කරන්නද මම ඒකට

දේශසීමා පරතරය තිබ්බත් අපේ අතරෙම
කොහොම බිදින්නද මම
මටම සීමා වුණු අපේ සබැදුම...

කියන්න දේවල් නම් ගොඩයි
මේවෑ ලියන්න පුලුවං ටිකයි

ඒ මට ලියන්න බැරි නිසා නෙමෙයි
ඒවා එලියට දෙන්න මම කැමති නැති නිසා
ඒවා හොදටෝම ලස්සන
මගෙ හිත ඇතුලෙම තියෙද්දි...

මේ උපන්දින සුබපැතුම ඔයාට...
මම දන්නවා දකින්නෑ කියලා ඔයා මේක...
ඒත් ඒකට මොකද..?

[අබ්දුල් උමර් සහන් නෙත්මිණ]